Dainik Sanatan Prabhat: 03/15/16

म्हैसुरू (कर्नाटक) येथे भाजपच्या कार्यकर्त्याची हत्या !

हिंदूंचा उद्रेक !

दादरी, रोहित वेमुला आदी प्रकरणी असहिष्णुतेच्या नावावरून ऊर बडवून घेणारे ढोंगी धर्मनिरपेक्षतावादी कर्नाटक, केरळ आदी राज्यांमध्ये हिंदुत्ववाद्यांच्या होत असलेल्या हत्यांविषयी तोंड का उघडत नाहीत ? कि हिंदुत्ववाद्यांच्या हत्या या त्यांच्या धर्मनिरपेक्षतेच्या व्याख्येत बसत नाहीत ?

क्यातमारनहळ्ळी येथे हिंदूंच्या हत्यांचे सत्र चालूच !
आरोपींना अटक करण्यात पोलिसांना अपयश !

म्हैसुरू - येथील भाजपचे कार्यकर्ते राजू (वय ३० वर्षे) यांची अज्ञातांनी हत्या केल्याची घटना घडली. या घटनेनंतर म्हैसुरू शहरात तणाव निर्माण झाला आहे. या प्रकरणी आक्रमणकर्त्यांना पकडण्यात पोलिसांना अपयश आले आहे. राजू हे श्रीराम सेना या हिंदुत्ववादी संघटनेचेही कार्यकर्ते होते. क्यातमारनहळ्ळी येथील रहिवासी असलेले राजू हे येथील एका चहाच्या दुकानाजवळ उभे होते. त्या वेळी ३ जण दुचाकीवरून तेथे आले आणि त्यांनी राजू यांच्यावर आक्रमण करून ते पळून गेले. यात राजू गंभीररित्या घायाळ होऊन त्यांचा जागीच मृत्यू झाला. या संदर्भात कर्नाटक राज्यातील दैनिक विजयवाणीने प्रसिद्ध केलेल्या वृत्तानुसार, क्यातमारनहळ्ळी भागात २ दशकांपूर्वी गणपति मंदिर बांधण्यात आले होते. तथापि मंदिरात श्रीगणेशमूर्तीची प्राणप्रतिष्ठा होऊ शकली नव्हती. या सूत्रावरून दंगलही झाली होती.

English Monthly