Blogger Widgets


जयतु जयतु हिन्दुराष्ट्रम् ।

सांताक्रूझ विमानतळ परिसरातील अनधिकृत प्रार्थनास्थळावर कारवाई करा ! - हिंदुत्ववादी संघटना

डावीकडून श्री. मोतीराम गोंधळी, आधुनिक वैद्य उदय धुरी,
श्री. अभय वर्तक आणि श्री. अजय शेलार

राष्ट्राचे हित आणि सुरक्षा यांसाठी हिंदुत्ववादी संघटनांची राष्ट्रीय हिंदू आंदोलन करण्याची चेतावणी !
 गोरक्षकांना सुरक्षेस्तव शस्त्रपरवाने देण्याची मागणी !
जे हिंदुत्ववादी संघटनांच्या निदर्शनास येते, ते सर्व यंत्रणा हाताशी असलेल्या प्रशासनाच्या 
लक्षात का येत नाही कि अशा अवैध कृत्यांकडे जाणूनबुजून दुर्लक्ष केले जात आहे ?
मुंबई - येथील सांताक्रूझ (डोमेस्टीक) विमानतळ परिसरातील ए.टी.सी. टॉवरच्या जवळ वाहनतळामध्ये बांबू आणि ताडपत्री यांच्या साहाय्याने अनधिकृत 'शेड' बांधण्यात आली आहे. अशा ठिकाणी प्रतिदिन नमाजपठण केले जात आहे. या शेडमध्ये बाहेरूनही नमाजासाठी लोक येत आहेत. विमानतळ हे अतिसंवेदनशील आणि शांतता क्षेत्र असून कायम आतंकवाद्यांचे लक्ष्य राहिले आहे. याविषयी पोलीस ठाणे आणि संबंधित जी.व्ही.के. आस्थापन यांना याविषयी पत्रव्यवहार करून या विषयाचे गांभीर्य लक्षात आणून दिले आहे. त्यांना याचे गांभीर्य लक्षात आलेले नाही किंवा ते हेतूपुरस्सर या प्रकरणाकडे कानाडोळा करत आहेत. या ठिकाणी धर्मांधांनी काही स्फोटके आणून ठेवली, तर कोणाला कळणारही नाही. त्यामुळे देशाच्या सुरक्षेसाठी या अनधिकृत बांधकामावर कारवाई करावी, अशी मागणी हिंद स्वराज्य प्रतिष्ठानचे संस्थापक अध्यक्ष श्री. अजय शेलार यांनी मुंबई मराठी पत्रकार संघामध्ये आयोजित केलेल्या पत्रकार परिषदेमध्ये केली.

काश्मीरमध्ये आतंकवाद्यांकडून सैनिकांवर ग्रेनेडद्वारे आक्रमण !

आतंकवादग्रस्त भारत !
श्रीनगर - काश्मीरमधील पंपोर येथे आतंकवाद्यांकडून केंद्रीय राखीव पोलीस दलाच्या सैनिकांवर ग्रेनेडद्वारे आक्रमण करण्यात आले. या आक्रमणात २ सैनिकांसह ४ जण घायाळ झाले आहेत. सैनिकांनी या संपूर्ण परिसरात शोधमोहीम हाती घेतली आहे. पंपोर येथे केंद्रीय राखीव पोलीस दलाचे तळ असून २० नोव्हेंबर या दिवशी आतंकवाद्यांनी ग्रेनेडद्वारे आक्रमण केले.

शासनाकडे अनुत्पादक गोष्टींसाठी पैसे आहेत; परंतु अत्यावश्यक मूलभूत गोष्टींसाठी नाहीत !

उच्च न्यायालयाने शासनाला फटकारले
असे न्यायालयाने का सांगावे लागते ?
नागपूर - अनुत्पादक गोष्टींसाठी शासनाकडे भरपूर पैसा आहे; पण मूलभूत गोष्टींसाठी पैसे देण्याकडे दुर्लक्ष करण्यात येत आहे, अशी खंत उच्च न्यायालयाच्या नागपूर खंडपिठाने व्यक्त केली आहे. या वेळी न्यायालयाने काही उदाहरणे देत काही प्रश्न ही उपस्थित केले आहेत. न्यायालयाने आदेश देऊनही ४ वॉच टॉवर आणि इतर काही सुरक्षेच्या संदर्भातील बांधकामे निधीअभावी रखडल्यामुळे गडचिरोली जिल्हा कारागृह अद्याप कार्यान्वित होऊ शकलेले नाही. हा प्रश्न गेल्या अनेक महिन्यांपासून प्रलंबित आहे. यामुळे न्यायमूर्ती भूषण गवई आणि न्यायमूर्ती प्रदीप देशमुख यांच्या खंडपिठाने या प्रकरणात आदेश देतांना शासनाला कडक शब्दांत फटकारले.

भारताने आतंकवादी संघटनांना अर्थसाहाय्य करणारी ३७ बँक खाती गोठवली

खात्यांत एकूण २ कोटी १२ लाख रुपयांची रक्कम पडून !
      नवी देहली - जागतिक आर्थिक आतंकवादविरोधी संस्थेच्या (एफ्एटीएफ्) अहवालानुसार भारताने गेल्या वर्षभरात सुमारे ३ डझन बँक खाती गोठवली आहेत. आतंकवादी संघटनांना या खात्यांच्या माध्यमातून अर्थसाहाय्य केले जात असल्याच्या संशयावरून ही कारवाई करण्यात आली आहे. या खात्यांत एकूण २ कोटी १२ लाख रुपयांची रक्कम पडून आहे. जगात सध्या अनेक आतंकवादी संघटनांना मोठ्या प्रमाणात अर्थसाहाय्य होत असल्याने त्यांच्या आतंकवादी कारवायांत वाढ झाली असून त्या दिवसेंदिवस बलशाली होत चालल्या आहेत. या पार्श्‍वभूमीवर त्यांना नेमक्या कोणत्या माध्यमातून अर्थसाहाय्य होते, हे पहाण्यासाठी एफ्एटीएफ्ने विविध देशांमधील खात्यांचा आढावा घेतला. भारत हा एफ्एटीएफ्चा पूर्णवेळ सदस्य असून अमेरिका, ब्रिटन, जर्मनी आणि फ्रान्स यांसह अनेक देश या संस्थेचे सदस्य आहेत.

आद्य शंकराचार्य यांची जयंती तत्त्वज्ञान दिवस म्हणून साजरी करणार !

केंद्रशासनाचा स्तुत्य निर्णय
नवी देहली - आद्य शंकराचार्य यांची जयंती 'तत्त्वज्ञान दिवस' म्हणून साजरी करण्याच्या सिद्धतेस केंद्रशासनाने आरंभ केला आहे. आद्य शंकराचार्यांनी स्थापन केलेल्या ४ मठांपैकी एक असलेल्या शृंगेरी मठाकडून त्या संदर्भात आलेला प्रस्ताव केंद्रशासनाच्या सांस्कृतिक मंत्रालयाने स्वीकारला आहे. या मंत्रालयाचे एक अधिकारी म्हणाले, "आम्ही आता या दिशेने काम चालु केले असून संपूर्ण देशात हा दिवस साजरा करण्याच्या दृष्टीने आम्ही सिद्धता करत आहोत." शृंगेरी मठाचे मुख्याधिकारी आणि व्यवस्थापक वी.आर्. गौरीशंकर म्हणाले, "आम्ही वर्ष १९९६ पासून या संदर्भात केंद्रशासनाकडे प्रस्ताव पाठवत आहोत; पण एकाही शासनाने आमचा प्रस्ताव स्वीकारला नाही. या वेळी मात्र शासनाने तो स्वीकारला."

गोहत्या करणार्‍यांना भारतात रहाण्याचा अधिकार नाही ! - उत्तराखंडचे काँग्रेसचे मुख्यमंत्री हरीश रावत

गोमातेविषयी आस्था असणारे उत्तराखंड राज्याचे काँग्रेसचे मुख्यमंत्री हरीश रावत ! 
रावत यांनी अन्य राज्यांतील काँग्रेसच्या नेत्यांना गोमातेची महती सांगून त्यांच्यात गोप्रेम 
निर्माण करण्याचा प्रयत्न केल्यास ते गोहत्याबंदी कायद्याला विरोध तरी करणार नाहीत !
     हरिद्वार (उत्तराखंड) - गोहत्या करणारा हा भारताचा सर्वांत मोठा शत्रू आहे. अशांना भारतात रहाण्याचा कोणताही अधिकार नाही. उत्तराखंडमध्ये गोहत्या करणार्‍यांवर कठोर कारवाई करण्यात येईल, असे प्रतिपादन उत्तराखंडचे काँग्रेसचे मुख्यमंत्री हरीश रावत यांनी गोपाष्टमीच्या दिवशी येथे आयोजित करण्यात आलेल्या एका कार्यक्रमात केले. या कार्यक्रमाचे आयोजन श्री कृष्णायन देशी गोरक्षा आणि गोलोक धाम सेवा समितिने केले होते.

३०० हून अधिक आतंकवादी पाकव्याप्त काश्मीरमधून भारतात घुसखोरी करण्याच्या सिद्धतेत !

आतंकवाद्यांकडून सातत्याने होणारी घुसखोरी रोखण्यासाठी शासनाने 
त्यांचे मूळ स्थान असलेल्या पाकलाच नष्ट करावे !
      जम्मू - पाकव्याप्त काश्मीरमध्ये ६०० हून अधिक आतंकवाद्यांना प्रशिक्षण देण्यात येत आहे. त्यातील ३०० हून अधिक आतंकवादी भारतात घुसखोरी करण्याच्या सिद्धतेत आहेत. पाकव्याप्त काश्मीरमध्ये आतंकवाद्यांना प्रशिक्षण देण्यासाठी जवळपास ३५ प्रशिक्षण केंद्रे आहेत. उधमपूर येथे नुकत्याच पकडलेल्या एका आतंकवाद्याने याविषयीची माहिती दिली असल्याचे लेफ्टनंट जनरल निम्भोरकर यांनी सांगितले. माजी सैनिकांच्या सभेला ते संबोधित करत होते. ते पुढेे म्हणाले, सध्या अनेक आतंकवादी संघटना या संकेतस्थळांच्या माध्यमातून युवकांची दिशाभूल करत आहेत. त्या विरोधात शासन नक्कीच कारवाई करील, अशी आशा आहे. इस्लामिक स्टेट म्हणजे, आय.एस्.आय.एस्. आणि लष्कर-ए-तोयबा या आतंकवादी संघटनांचा सामना करण्यास भारतीय सैन्य सज्ज आहे.

(म्हणे) बलात्काराची तक्रार नोंदवलीस, तर लोकांना तोंड कसे दाखवशील ?

बलात्काराची तक्रार घेऊन आलेल्या पीडित महिलेलाच आझम खान यांचा उलटा प्रश्‍न !
      बलात्कार्‍याला शिक्षा होण्यासाठी प्रयत्न करण्याऐवजी पीडितेलाच अपकीर्तीची भीती दाखवणे म्हणजे गुन्ह्याला आणि गुन्हेगाराला पाठीशी घालण्याचा प्रकार होय ! अशा असंवेदनशील लोकप्रतिनिधींच्या राज्यात महिला कधीतरी सुरक्षित राहू शकतील का ? अशांवर कठोरात कठोर कारवाई झाली पाहिजे !
      कानपूर - बलात्काराची तक्रार केल्यास प्रसिद्धी मिळेल आणि त्यामुळे अपकीर्ती झाल्यास समाजाला तोंड कसे दाखवशील ? असा प्रश्‍न समाजवादी पक्षाचे नेते आझम खान यांनी बलात्काराची तक्रार घेऊन आलेल्या पीडित महिलेला विचारला.

नितीशकुमार पाचव्यांदा बिहारच्या मुख्यमंत्रीपदी विराजमान

लालूप्रसाद यादव यांच्या मुलाची उपमुख्यमंत्रीपदी वर्णी
पाटलीपुत्र (पाटणा) - विधानसभा निवडणुकीत भाजपचा दारूण पराभव करत संयुक्त जनता दलाचे नेते नितीशकुमार पाचव्यांदा बिहारच्या मुख्यमंत्रीपदी विराजमान झाले आहेत. २० नोव्हेंबरला नितीशकुमार यांनी येथील गांधी मैदानात मुख्यमंत्रीपदाची शपथ घेतली. नितीशकुमारांच्या मंत्रिमंडळात राष्ट्रीय जनता दलाचे सर्वेसर्वा लालूप्रसाद यादव यांचे २ पुत्र तेजस्वी आणि तेजप्रताप यांनाही मंत्रिपदाची शपथ देण्यात आली. तेजस्वी यादव उपमुख्यमंत्रीपदी विराजमान झाले आहेत. (लोकशाहीतील घराणेशाही - संपादक) 

चीनकडून २८ आतंकवाद्यांना कंठस्नान !

बीजिंग - चीनच्या शिनजियांग प्रांतातील कोळशाच्या खाणीवर आक्रमण करणार्या २८ आतंकवाद्यांना तब्बल ५६ दिवस चाललेल्या कारवाईनंतर चीनच्या पोलिसांनी कंठस्नान घातले. आतंकवाद्यांनी खाणीवर केलेल्या आक्रमणात ११ नागरिकांसह एकूण १६ जण मृत्यूमुखी पडले होते. आक्रमण करणार्या आतंकवाद्यांना विदेशातील काही मूलतत्त्ववादी संघटना आणि येथील काही स्थानिक नागरिकांचा पाठिंबा असल्याचे आढळून आल्याचे चीनने म्हटले आहे.

आय.एस्.आय.एस्.पेक्षा बोको हराम ही आतंकवादी संघटना अधिक धोकादायक !

आतंकवाद्यांच्या जागतिक स्तरावरच्या सूचीतील माहितीजगभरात फोफावणारा जिहादी आतंकवाद !
     योला (नायजेरिया) - पश्‍चिम आफ्रिकेतील नायजेरिया आणि इतर शेजारी देशांमध्ये आतंकवादी कृत्ये करणारी बोको हराम ही आतंकवादी संघटना पश्‍चिम आशियात सक्रीय असलेल्या आय.एस्.आय.एस्. या आतंकवादी संघटनेपेक्षा अधिक धोकादायक आहे, असे जागतिक आतंकवादाविषयी नुकत्याच प्रसिद्ध करण्यात आलेल्या सूचीमधून स्पष्ट झाले आहे. बोको हरामच्या हिंसाचारामध्ये सुमारे २० सहस्र नागरिक ठार झाले असून किमान २३ लाख नागरिक विस्थापित झाले आहेत. बोको हरामच्या वाढत्या प्रभावामुळे ईशान्य नायजेरियाचा भाग जर्जर झाला आहे. या सूचीनुसार, वर्ष २०१४ मध्ये आय.एस्.आय.एस्.च्या तुलनेत बोको हराममुळे मृत्युमुखी पडलेल्या नागरिकांची संख्या तब्बल ३१७ टक्क्यांनी अधिक आहे.

शीखविरोधी दंगलीसाठी उत्तरदायी असणारे राजीव गांधी यांचा भारतरत्न पुरस्कार परत घ्यावा ! - एच्.एस्. फुलका

     नवी देहली - माजी पंतप्रधान राजीव गांधी यांनी शीखविरोधी दंगलीत झालेल्या शिखांच्या हत्याकांडाला योग्य ठरवले होते. त्यामुळे त्यांना देण्यात आलेला भारतरत्न पुरस्कार परत घ्यावा, अशी मागणी शीखविरोधी दंगलीतील पीडितांसाठी काम करणारे अधिवक्ता एच्.एस्. फुलका यांनी एका कार्यक्रमात केली. फुलका हे आम आदमी पक्षाचे नेते आहेत. त्यांच्या समवेत भाजपचे सचिव आर्.पी. सिंह उपस्थित होते. त्या वेळी राजीव गांधी यांनी केलेल्या जेव्हा कुठले मोठे झाड पडते, तेव्हा पृथ्वी हलते, या विधानाची ध्वनीचित्रफीतही या कार्यक्रमात दाखवण्यात आली. जो पंतप्रधान निष्पाप नागरिकांच्या हत्याकांडाला योग्य ठरवतो, त्याला भारतरत्न मिळण्याचा कोणताही अधिकार नाही, असेही अधिवक्ता फुलका यांनी सांगितले.

हिंदु तरुणी मुसलमान तरुणासमवेत पळून गेल्याने दादरीमध्ये तणाव

हिंदूंनो, देशातील लव्ह जिहादच्या वाढत्या घटना रोखण्यासाठी संघटित व्हा !
      नोएडा - उत्तरप्रदेशच्या दादरी परिसरातील एक हिंदु तरुणी मुसलमान युवकासह पळून गेल्याने या भागात पुन्हा एकदा तणावाचे वातावरण निर्माण झाले आहे. काही आठवड्यांपूर्वीच गोमांस खाल्याच्या संशयावरुन महंमद अखलाख या व्यक्तीला मारहाण झाली होती. या मारहाणीत त्याचा मृत्यू झाला होता. त्यानंतर पुन्हा दादरीमध्ये तणावग्रस्त परिस्थिती निर्माण झाली आहे. तरुणीच्या कुटुंबियांनी मुसलमान तरुणाच्या विरोधात अपहरण केल्याची तक्रार दाखल केली आहे. भारतीय दंड विधानानुसार कलम ३६३ आणि ३६६ अंतर्गत गुन्हे दाखल करण्यात आल्याचे पोलीस अधिकारी अनुराग सिंह यांनी सांगितले. तरुणी आणि युवकाचा शोध चालू आहे. त्या तरुणीचा विवाह ठरला होता; मात्र विावाहाच्या एक दिवस आधीच ही तरुणी मुसलमान युवकासह पळून गेल्याचे पोलीस अधिकार्‍यांनी सांगितले. 

केंद्रीय गृहमंत्री राजनाथ सिंह यांच्या हस्ते वेदमूर्ती मोरेश्‍वर घैसास यांचा सत्कार

वेदमूर्ती मोरेश्‍वर घैसास (उजवीकडे) यांचा सत्कार करतांना
केंद्रीय गृहमंत्री राजनाथ सिंह, बाजूला खासदार डॉ. सत्यपालसिंह,
आणि अखिल भारतीय विद्वत परिषदेचे अध्यक्ष जयशंकरलाल त्रिपाठी
      वाराणसी - काशी येथे अखिल भारतीय विद्वत परिषद विद्वत अलंकरण सन्मान समारोह आयोजित करण्यात आला होता. या समारोहामध्ये भारतातील वेद, शास्त्र, पुराण या सनातन परंपरेतील १५ विद्वानांचा केंद्रीय गृहमंत्री राजनाथ सिंह यांच्या हस्ते सत्कार करण्यात आला. या वेळी भारतातील वेदविद्येची परंपरा गुरुकुल पद्धतीने चालवणारे, ऋग्वेदाच्या दशग्रंथ अध्ययनाची परंपरा चालवणारे पुणे येथील वेदमूर्ती मोरेश्‍वर घैसास यांनाही विद्वत सन्मान समारोहास निमंत्रित करून राजनाथ सिंह यांच्या हस्ते त्यांचा सन्मान करण्यात आला.

झुंझुनू (राजस्थान) येथे हिंदु जनजागृती समितीच्या वतीने क्रांतीकारकांच्या प्रदर्शनाचे आयोजन

      झुंझुनू (राजस्थान), २० नोव्हेंबर (वार्ता.) - येथील श्री चाओ दादी विद्या कुंज आणि श्री आदर्श बाल निकेतन या विद्यालयांमध्ये हिंदु जनजागृती समितीच्या वतीने क्रांतीकारकांच्या प्रदर्शनाचे आयोजन करण्यात आले. १८ नोव्हेंबर या दिवशी लावण्यात आलेल्या या प्रदर्शनाचा लाभ श्री चाओ दादी विद्या कुंज विद्यालयातील १७३ विद्यार्थ्यांनी, तर श्री आदर्श बाल निकेतन विद्यालयातील ३३० विद्यार्थ्यांनी घेतला. या प्रदर्शनाच्या माध्यमातून भारताच्या अनमोल इतिहासाविषयी माहिती मिळण्यास आणि राष्ट्राभिमान वाढण्यास साहाय्य झाले, असे विद्यार्थ्यांनी सांगितले. 

आय.एस्.आय.एस्.कडून टेलिग्राम या संदेशवहन प्रणालीचा वापर

टेलिग्रामचे निर्माते या प्रणालीचा वापर करण्यास आय.एस्.आय.एस्.ला प्रतिबंधित करणार 
     सिरिया - आय.एस्.आय.एस्.ने पॅरिसमधील आतंकवादी आक्रमणाचे दायित्व घेत असल्याची माहिती टेलिग्राम या संदेशवहन प्रणालीवरून दिली होती. टेलिग्राम हे भारतात सर्वाधिक वापरली जाणारी व्हॉट्स-अ‍ॅप प्रमाणेच संदेशवहन प्रणाली आहे. आय.एस्.आय.एस्.ला फेसबूक आणि ट्वीटर या सामाजिक संकेतस्थळावरून सीमापार करण्यात आल्यानंतर ते आता हा पर्याय वापरत असल्याचे सांगण्यात येत आहे.

माली (आफ्रिका) येथील हॉटेलवर जिहादी आक्रमण

जगभरात फोफावलेला जिहादी आतंकवाद ! 
आता तथाकथित धर्मनिरपेक्षतावादी या आतंकवादाचा रंग सांगतील का ?
  • १७० जणांना केले बंदी !   
  • बंदींमध्ये २० भारतीय असल्याचीही शक्यता !

बमाको (माली) - आफ्रिका खंडातील माली या देशाची राजधानी असलेल्या बमाको येथील 'रॅडिसन ब्ल्यू' या हॉटेलवर २ आतंकवाद्यांनी आक्रमण केले. त्यांनी हॉटेलमधील १७० जणांना बंदी बनवले. बंदी बनवलेल्यांमध्ये २० जण भारतीय असल्याची शक्यता वर्तवण्यात येत आहे. हे हॉटेल परदेशी नागरिकांच्या मालीमधील मुक्कामाचे मुख्य ठिकाण मानले जाते. 

महानगरपालिका आणि नगरपालिका यांना मराठी भाषेतून विज्ञापन देणे बंधनकारक

राज्यशासनाचा अभिनंदनीय आदेश ! या आदेशाचे पालन होते 
आहे कि नाही, याकडेही शासनाने लक्ष द्यावे, ही अपेक्षा !
   पुणे, २० नोव्हेंबर - राज्यातील सर्वच महानगरपालिका, नगरपालिका आणि नगरपंचायती यांनी त्यांचा कारभार मराठी भाषेतूनच करावा. वृत्तपत्रांमध्ये देण्यात येणारे विज्ञापन, निविदा आणि नागरिकांना देण्यात येणार्‍या सूचना (नोटीस) इंग्रजी भाषेसह मराठी भाषेतूनही द्याव्यात, असे स्पष्ट आदेश राज्याच्या नगरविकास विभागाने दिले आहेत.
   महाराष्ट्र राजभाषा अधिनियम, १९६४ मधील तरतुदीनुसार १ मे १९६६ पासून काही अपवाद वगळता सर्व कामकाज मराठी भाषेतून करणे बंधनकारक आहे. विशेषत: महानगरपालिका आणि नगरपालिका यांच्याकडून वृत्तपत्रांमधून देण्यात येणारी विज्ञापने, निविदा, सूचना आदींसाठी इंग्रजी भाषेचा वापर करण्यात येतो. वर्ष २०१३ च्या विधान परिषदेच्या पहिल्या अर्थसंकल्पीय अधिवेशनात सर्वच महानगरपालिकांकडून इंग्रजी भाषेतून जशी नोटीसीची प्रत प्रसिद्ध केली जाते, तशी मराठी भाषेतूनही ती प्रसिद्ध करण्याची सक्ती केली जाईल, असे आश्‍वासन शासनाने दिले होते. राज्यातील शिवसेना-भाजप युती शासनाने त्या आश्‍वासनांची पूर्तता करण्याचा निर्णय घेतला आहे. त्यानुसार राज्यातील २६ महानगरपालिका, २३० नगरपालिका आणि १०४ नगरपंचायत यांना राज्यशासनाने उपरोक्त आदेश दिला आहे.

नागपूर येथे पोलिसांकडून गोवंशियांचे ३०० किलो मांस कह्यात धर्मांधांकडून पोलिसांना कारवाईस विरोध

    नागपूर - येथील ताजबाग परिसरात १९ नोव्हेंबर या दिवशी सकाळी पोलिसांनी छापा घालून ३०० किलो गोमांस कह्यात घेतलेे. तसेच नऊ गायी आणि बैल यांना कह्यात घेतलेे. पोलिसांच्या या कारवाईला धर्मांधांनी विरोध केल्याने येथे तणाव निर्माण झाला होता. परिणामी सक्करदरा पोलिसांनी परिसरात अतिजलद प्रतिसाद पथक (क्युआर्टी), दंगेविरोधी नियंत्रण पथकास बोलावून परिस्थितीवर नियंत्रण मिळवले. (शासनाने गोवंशहत्या बंदी कायद्याची परिणामकारकपणे अंमलबजावणी करणे अपेक्षित ! - संपादक)
१. ताजबाग परिसरात एका घरात गोवंशियांचे मांस आहे, अशी माहिती पोलिसांना मिळाली.
२. त्यानुसार पोलिसांनी शेख अबरार शेख जहीर शेख (वय २८ वर्षे) आणि शेख अरबाज शेख शरीफ कुरेशी (वय १८ वर्षे) यांच्या घरी छापा घातला.
३. या छाप्यात शेख अबरार आणि शेख अरबाज या दोघांच्याही घरांतून ३०० किलो मांस मिळाले. ते मांस विक्रीसाठी पाठवले जात होते.

सोलापुरात गोप्रेमींच्या सतर्कतेमुळे ३९ गोवंशियांची सुटका

    सोलापूर, २० नोव्हेंबर (वार्ता.) - येथील सिव्हील रुग्णालयाजवळील राहुल गांधी झोपडपट्टीत गोप्रेमींच्या सर्तकतेमुळे सांगोला येथून आणण्यात आलेल्या गायींसह ५० गोवंशियांना पोलिसांनी कह्यात घेतले. ही कारवाई रात्री ११ ते ३ या कालावधीत करण्यात आली. या संदर्भात जेलरोड पोलिसांत गुन्हा प्रविष्ट करण्यात आला आहे.
१. रात्री ११ वाजता एका गोप्रेमीला दाटीवाटीने जनावरे भरलेले वाहन दिसले. त्यानंतर इतर गोप्रेमींच्या साहाय्याने पोलिसांना कळवून हे वाहन पकडण्यात आले.
२. या वाहनात जवळपास ७० ते ७५ जनावरे असल्याचे प्रत्यक्षदर्शींनी सांगितले. जेलरोड पोलिसांना ही घटना कळल्यानंतर वरिष्ठ पोलीस निरीक्षक एफ्.आय. काझी आणि त्यांच्या पथकाने घटनास्थळी धाव घेतली.
३. या वेळी पोलिसांची संख्या ६ ते ७ होती; मात्र थोड्याच वेळेत घटनेची माहिती कळल्यानंतर जवळपास १०० ते १५० धर्मांध घटनेच्या ठिकाणी जमा झाले.

तुळजापूर-धाराशिव रस्त्यावरून मांस नेणार्‍यांच्या विरोधात गुन्हा प्रविष्ट

केवळ गुन्हा प्रविष्ट करून न थांबता संबंधितांवर गोवंशहत्या बंदी कायद्यानुसार पोलिसांनी कठोर कारवाईही करावी, ही गोप्रेमींची अपेक्षा ! 
 १ लक्ष ४० सहस्र किमतीच्या मांसाची विल्हेवाट 
तुळजापूर (जिल्हा धाराशिव), २० नोव्हेंबर (वार्ता.) - येथील तुळजापूर-धाराशिव रस्त्यावर मांस घेऊन जाणार्‍या चारचाकी वाहनाचा १४ नोव्हेंबरच्या रात्री अपघात झाला होता. या प्रकरणी तुळजापूर पोलीस ठाण्यात गुन्हा प्रविष्ट करण्यात आला असून पोलिसांनी मांस आणि टेम्पो असा एकूण पावणेचार लक्ष रुपयांचा मुद्देमाल कह्यात घेतला आहे. घटनेनंतर हिंदुत्ववाद्यांनी तातडीने स्थानिक पोलीस ठाण्यात निवेदन दिले होते. तसेच मुख्यमंत्र्यांनाही हे निवेदन पाठवण्यात आले होते. अपघातानंतर जखमी अवस्थेतील वाहक प्रवीण बनसोडे याला रुग्णालयात प्रविष्ट करण्यात आले आहे, तर चालक रसुल शेख पळून गेला. पोलिसांनी पशुवैद्यकीय अधिकार्‍यांच्या उपस्थितीत टेम्पोचा पंचनामा करून १ लक्ष ४० सहस्र रुपये किमतीचे मांस कह्यात घेऊन त्याची विल्हेवाट लावली. हे मांस भाग्यनगर (हैद्राबाद) येथे नेले जात असावे, अशी शक्यता व्यक्त केली जात आहे. अशा स्वरूपाचा पहिलाच गुन्हा तुळजापूर पोलिसांनी नोंदवला असल्याचेे स्थानिकांनी सांगितले.

पीटर मुखर्जींवर शीना बोरा हत्याकांडाचा गुन्हा; पोलीस अधिकारीही अडकण्याची शक्यता

     मुंबई - शीना बोरा हत्येप्रकरणी १९ नोव्हेंबर या दिवशी केंद्रीय अन्वेषण विभागाने ( सीबीआय) इंद्राणीचा पती आणि स्टार इंडियाचे माजी मुख्य कार्यकारी अधिकारी पीटर मुखर्जी यांना अटक केली. पीटर मुखर्जी यांच्यावर हत्येचा गुन्हा नोंद करण्यात आला आहे. त्यांच्यावर कलम ३०२,१२० ब, ३०६, २०१ आणि ३६३ अंतर्गत गुन्हा नोंद करण्यात आला आहे. तसेच मिळालेल्या माहितीनुसार या प्रकरणात पोलीस अधिकार्‍याचेही नाव आरोपपत्रामध्ये दाखल होऊ शकते. पीटर मुखर्जींची सध्या कसून चौकशी चालू आहे. केंद्रीय अन्वेषण विभागाला एक खास पोलीस अधिकारी या प्रकरणाच्या चौकशीसाठी जाणूनबुजून उशीर करीत होता, असे आढळून आले आहे. त्यामुळेच या अधिकार्‍याचे नावही आरोपपत्रात दाखल केले जाऊ शकते. पीटर मुखर्जीच्या अटकेनंतर त्याचा मुलगा राहुल यांचीसुद्धा १२ घंटे चौकशी करण्यात आली.

उमरी नगरपालिकेतील गैरकारभाराच्या चौकशीचा अहवाल आणि धारिका गायब !

नांदेड जिल्हाधिकारी कार्यालयाचा दायित्वशून्य कारभार ! 
    नांदेड, २० नोव्हेंबर - उमरी नगरपालिका प्रशासन आणि पालिकेतील सत्ताधारी यांनी केलेल्या अपप्रकारांच्या चौकशीचा अहवाल आणि त्या संपूर्ण प्रकरणाची धारिका जिल्हाधिकारी कार्यालयातील संबंधित विभागातून गायब झाल्याची धक्कादायक घटना उघड झाली आहे. या नगरपालिकेवर राष्ट्रवादी काँग्रेसची सत्ता आहे. (यावरून सत्ताधारी आणि अधिकारी यांच्यामध्ये साटेलोटे असल्याचा संशय आल्यास वावगे काय ? - संपादक) 
१. नगरपालिकेत होत असलेल्या गैरकारभाराविरोधात मल्लिकार्जुन चंदापुरे यांनी मंत्रालयात तक्रार दिली होती. त्याची नोंद घेऊन प्रधान सचिवांनी जिल्हाधिकार्‍यांच्या द्वारे ३ जणांची चौकशी समिती नियुक्त केली होती. 

७० सहस्र कोटींच्या विदेशी आस्थापनाच्या संचालक मंडळात शरद पवारांचे नाव !

     नवी देहली - राष्ट्रवादी काँग्रेसचे सर्वेसर्वा शरद पवार यांचे ब्रिटनमधील आस्थापनाच्या संचालकपदी नाव असल्याचे लक्षात आले आहे. 'एसजीएफएक्स फायनान्शियल' असे या आस्थापनाचे नाव आहे. हे आस्थापन ब्रिटनमध्ये काम करते. २०११ पर्यंत नवी मुंबई येथील एका इमारतीत त्याचे कार्यालय असल्याचेही लक्षात आले आहे. या घटनेनंतर आता शरद पवार यांनी या आस्थापनाच्या विरोधात आर्थिक गुन्हे शाखेत दोन व्यक्तींविरोधात तक्रार दाखल केली आहे. सर्वेश नरेंद्र भारदे आणि श्रीमती शहनाज अश्रफ भारदे अशी या दोघांची नावे आहेत. २०११ मध्ये सदस्य असलेल्या आस्थापनाविषयी पवारांनी ऐवढ्या उशिरा तक्रार का दाखल केली, असा प्रश्‍न उपस्थित होत आहे. पवार यांनी त्या आस्थापनाशी संबंध नसल्याचे म्हटले आहे. एवढा प्रचंड पैसा वळवतांना रिझर्व्ह बँकेची आवश्यक ती अनुमती घेतली गेली का, असाही प्रश्‍न उपस्थित होत आहे.

मुळा-मुठा नदीच्या पात्रात अल्पसंख्यांकांच्या ताबुताचे अवशेष अजून अविसर्जितच

याविषयी तथाकथित पर्यावरणवादी आवाज उठवतील कि मूग गिळून गप्प बसतील ? आता अंनिस कुठे गेली ? 
     पुणे, २० नोव्हेंबर (वार्ता.) - येथील संगम पुलाजवळील मुळा-मुठा नदीच्या पात्रात २४ ऑक्टोबर या दिवशी मुसलमान समाजाच्या ताबूतच्या मिरवणुकीतील ताबूत नदीत विसर्जन करण्यात आले. हे ताबूत लाकूड अथवा थर्माकोल यांपासून सिद्ध केलेले असतात. विसर्जन होऊन २५ दिवस उलटले, तरी त्याचे अवशेष अजूनही नदीमध्ये तरंगतांना दिसून येत आहेत. (श्री गणेशमूर्ती विसर्जनामुळे नदीच्या पाण्याचे प्रदूषण होते, असे म्हणणारे तथाकथित समाजवादी, पर्यावरणवादी आणि ढोंगी पुरोगामी यांना हे प्रदूषण दिसत नाही का ? - संपादक) महानगरपालिका या ताबुतांच्या विसर्जनासाठी कृत्रिम हौद बांधणार का, असे प्रश्‍न धर्माभिमानी नागरिक विचारत आहेत.

पंढरपूर येथे कार्तिक एकादशीच्या वारीची सिद्धता अंतिम टप्प्यात

      पंढरपूर - २२ नोव्हेंबर या दिवशी असलेल्या कार्तिकी एकादशीनिमित्त साधारणतः ७ ते ८ लक्ष भाविक येथे येणार असल्याने प्रशासनाकडून यात्रेची अंतिम टप्प्यातील सिद्धता चालू आहे. भाविकांसाठीच्या रहाण्याच्या व्यवस्थेच्या ठिकाणची जिल्हाधिकारी तुकाराम मुंंढे यांनी पाहणी केली. 
मुख्याधिकारी शंकर गोरे म्हणाले... 
१. यात्रेला येणार्‍या भाविकांना गर्दीचा त्रास होऊ नये, यासाठी ठराविक रस्त्यांवरील अतिक्रमण काढण्याची विशेष मोहीम हाती घेतली आहे. 
२. पालिकेने वाळवंटातील पुंडलिक मंदिर नगरपालिका घाटासमोर ४०० वॅटचे १८ दिवे लावल्याने संपूर्ण वाळवंटात प्रकाशाची व्यवस्था झाली आहे. संपूर्ण दर्शनमार्गावर मेटल हायलाइट सोडियम व्हेपरचे दिवे बसवले आहेत. 

मुंबईत आगीच्या तीन घटना

असुरक्षित मुंबई !
      मुंबई - दादर पश्‍चिमेकडील फूलमार्केट परिसरातील अहमद उमर या इमारतीला २० नोव्हेंबरला पहाटे भीषण आग लागली. त्याचप्रमाणे कांदिवलीतील एम्जी मार्गावरील जलतरण तलावाजवळील झोपडपट्टीला १९ नोव्हेंबर या रात्री साडे सातच्या सुमारास आणि लोअर परेलमध्येही मध्यरात्री जवळपास अडीच वाजताच्या सुमारास ही आगीची घटना घडली. या तीन ठिकाणी अग्निशमन दलाच्या गाड्यांनी धाव घेत आग नियंत्रणात आणली.

पुणे शिक्षण मंडळाचा भोंगळ कारभार !

पुणे शिक्षण मंडळाच्या वतीने विद्यार्थ्यांना स्वेटरचे वाटप उन्हाळ्यात ! 
     पुणे, २० नोव्हेंबर - शिक्षण मंडळाच्या वतीने शालेय विद्यार्थ्यांना शैक्षणिक वर्ष चालू झाले की, शैक्षणिक साहित्याचे वाटप केले जाते. त्यानंतर थंडी चालू होण्यापूर्वी मंडळाने विद्यार्थ्यांना स्वेटर द्यावेत, अशी अपेक्षा असते. त्यासाठीची आर्थिक तरतूदही शिक्षण मंडळाच्या अंदाजपत्रकात केलेली असते. या वर्षी मंडळाने स्वेटरच्या खरेदीची प्रक्रिया चालू केली आहे. यासंबंधीचे वेळापत्रक पहाता २ कोटी रुपयांचे स्वेटर खरेदी करून ते प्रत्यक्ष ८० सहस्र विद्यार्थ्यांना मिळेपर्यंत मार्च मास (महिना) येईल. (कोणत्या खरेदीसाठी किती वेळ लागणार, हे माहिती असतांनाही शिक्षण मंडळाकडून विद्यार्थ्यांच्या साहित्याच्या खरेदीविषयी वारंवार केली जाणारी चूक हा हलगर्जीपणा आहे. यासंबंधी पालिका आयुक्त संबंधितांवर कारवाई करणार का ? - संपादक) 

जळगाव महानगरपालिकेच्या ताफ्यातील ३० घंटागाड्यांवरील पितळी घंटा हरवल्या

     जळगाव - येथील महानगरपालिकेच्या ताफ्यातील ३९ पैकी ३० घंटागाड्यांवरील पितळी घंटा हरवल्या असून या प्रकरणी चौकशी करण्याची मागणी शहीद भगतसिंग महापालिका कर्मचारी संघटनेचे अध्यक्ष अनिल नाटेकर यांनी केली आहे. (इतक्या मोठ्या प्रमाणात घंटा गहाळ होईपर्यंत महानगरपालिका प्रशासन काय करत होते ? - संपादक) एका पितळी घंटेची किंमत ४०० रुपये आहे. यासंदर्भात प्रशासनाकडे तक्रार करण्यात आली होती; परंतु त्याची नोंद घेतली गेली नाही, असे कर्मचारी संघटनेचे म्हणणे आहे. यासंदर्भात चौकशी करण्यात यावी, अशी मागणी शहीद भगतसिंग कर्मचारी संघटनेच्या वतीने करण्यात आली आहे.

२१ आणि २२ नोव्हेंबर या दिवशी जळगाव येथे प्रांतीय हिंदु अधिवेशन !

     जळगाव येथे हिंदु जनजागृती समितीच्या वतीने २१ आणि २२ नोव्हेंबर या दिवशी प्रांतीय हिंदु अधिवेशनाचे आयोजन करण्यात आले आहे. या अधिवेशनात विविध हिंदुत्ववादी संघटना, संप्रदाय, धर्माचार्य, प्रवचनकार, अधिवक्ते, पत्रकार, विचारवंत आणि अन्य क्षेत्रांतील धर्माभिमानी निमंत्रित सहभागी होणार आहेत. तसेच या अधिवेशनातील सहभागी संघटना हिंदु धर्महानी रोखण्यासाठी समान कृती कार्यक्रम निश्‍चित करणार आहेत. 
स्थळ : यश लॉन्स, पिंप्राळा रोड, भोईटे नगर, जळगाव.

जानेवारीत होणार्‍या धारातीर्थ मोहिमेसाठी सहकारमंत्री चंद्रकांत पाटील यांना पू. भिडेगुरुजी यांचे निमंत्रण !

डावीकडे श्री. पाटील आणि समोर पू. संभाजीराव भिडे (गुरुजी)
     सांगली, २० नोव्हेंबर (वार्ता.) - २३ ते २७ जानेवारी २०१६ या कालावधीत होत असलेल्या श्रीरांगणागड ते श्रीभूधरगड (कोल्हापूर जिल्हा) या धारातीर्थ मोहिमेसाठी राज्याचे सहकारमंत्री श्री. चंद्रकांतदादा पाटील यांना श्रीशिवप्रतिष्ठानचे संस्थापक पू. संभाजीराव भिडे (गुरुजी) यांनी २० नोव्हेंबर या दिवशी जिल्हाधिकारी कार्यालयात भेटून निमंत्रण दिले. या वेळी श्री. पाटील यांनी त्यांच्यासह मुख्यमंत्रीही मोहिमेसाठी येणार असल्याचे सांगितले. या वेळी श्रीशिवप्रतिष्ठानचे धारकरी सर्वश्री नितीन चौगुले, अंकुश जाधव उपस्थित होते. 

पुरस्कार वापसी म्हणजे असहिष्णुतेचा कांगावा करत मोदी शासनाची अपकीर्ती करण्यासाठी रचलेले आंतरराष्ट्रीय षड्यंत्र !

डॉ. सच्चिदानंद शेवडे
     पुरस्कार वापसीविषयी एकूणच जे ऐकावे ते नवलच ठरते आहे. आता तर बिहार निवडणुकीच्या निकालानंतर पुरोगामी साहित्यिक आणि विचारवंत म्हणवणारी ही मंडळी सर्व वाहिन्यांच्या खुर्च्या गरम करत विचारवंतांचा विरोध मोदींना कसा महाग पडला, यावर आपले विचार व्यक्त करत असतांना दिसू लागली आहेत. त्यांना मनात आनंदाच्या उकळ्या फुटत आहेत, हे त्यांच्या एकूण देहबोलीतून दिसतेच; पण हे सगळे केरळमध्ये याच भाजपची शक्ती वाढली आहे, या गोष्टीकडे कानाडोळा करतात ते स्वाभाविक आहे. प्रत्येक गोष्ट सोयीस्कर रितीने मांडायची यांची जुनी सवय आहे. असहिष्णुता या एका शब्दाने जणू जादू दाखवली, असे त्यांना वाटत असेल, तर...असो !

हिंदु धर्मजागृती सभेसाठी गावोगावी आणि सामाजिक संकेतस्थळाच्या माध्यमातून प्रसार करण्याचा हिंदुत्ववाद्यांचा निर्धार !

पुणे येथे होणार्‍या जाहीर हिंदु धर्मजागृती सभेच्या निमित्ताने हिंदुत्ववाद्यांची बैठक
बैठकीला उपस्थित धर्माभिमानी आणि हिंदुत्ववादी
पुणे, २० नोव्हेंबर (वार्ता.) - छत्रपती शिवाजी महाराजांनी मावळ्यांसमवेत भगवी पताका घेऊन ५ जुलमी इस्लामी पातशाह्या राजवटी धुळीस मिळवून हिंदवी स्वराज्य स्थापन केले. तोच वारसा पुढे चालवणे आणि धर्माधिष्ठित हिंदु राष्ट्राची स्थापन करणे, यासाठी हिंदु जनजागृती समितीने २९ नोव्हेंबर या दिवशी येथील शनिवारवाडा येथे हिंदु धर्मजागृती सभेचे आयोजन केले आहे. त्या अनुषंगाने १९ नोव्हेंबर या दिवशी सदाशिव पेठेतील श्री उपाशी विठोबा मंदिर येथे धर्माभिमानी आणि हिंदुत्ववादी यांच्या बैठकीचे आयोजन करण्यात आले होते. या बैठकीत उपस्थित धर्मप्रेमी आणि हिंदुत्ववादी यांनी सभा यशस्वी करण्यासाठी प्रयत्न करण्याचे ठरवले.

प्रेमातील व्यापकता

दीपावलीच्या सुट्टीनिमित्त प्रतिदिन वाचा बोधकथा !
     संत तुकाराम महाराजांनी देहू गावाबाहेरच्या एका ऊसाच्या मळ्याची काही दिवस राखण केली; म्हणून त्या मळ्याच्या मालकाने त्यांना पंचवीस-तीस ऊसांची एक मोळी दिली. दोरखंडाने बांधलेली ती मोळी खांद्यावर घेऊन संत तुकाराम महाराज घराकडे चालले असता वाटेत खेळणारी मुले त्यांना विचारू लागली, तुकोबा, एवढे ऊस तुम्ही कोणासाठी घेतले हो ? ते म्हणाले, बाळांनो, अरे तुमच्यासाठीच. बंडू हा ऊस घे तुला, गुंडू हा तुला, धोंडू हा घे, तूपण.. हा, तू घे... हा, तू घे. असे म्हणत तुकोबा ज्या वेळी त्यांच्या घरी पोहोचले, त्या वेळी त्यांच्या खांद्यावर एकच ऊस आणि त्याच्या भोवतीचे दोरखंडाचे भले मोठे वेटोळे एवढेच काय ते शिल्लक राहिले होते.

भारतियांनो, पाश्‍चात्त्यांचे अंधानुकरण करण्याच्या संकटापासून वेळीच सावध व्हा !

१. पाश्‍चात्त्यांची सद्यस्थिती 
१ अ. वाढते अपराध, असुरक्षित समाज आणि असमर्थ शासन ! : अलीकडे कोणत्याही वर्तमानपत्रात प्रतिदिन हत्या, बलात्कार, स्त्रियांचा विनयभंग, डाका, धाडसी चोरी इत्यादी वृत्ते वाचायला मिळतात. त्याचे प्रमाण एवढे वाढले आहे की, सामान्य कुटुंबाला जीवन असुरक्षित वाटू लागले आहे. या गुन्ह्यांना प्रतिबंध करण्यास शासन असमर्थ झाले आहे.
१ आ. अपराध (गुन्हेगारी) हा जीवनाचा अविभाज्य घटक झालेला असणे आणि याला सर्वस्वी उत्तरदायी अमेरिकन समाजच असणे ! : अमेरिकन अपराध्याच्या घड्याळाची टिक्टिक् आता अधिक गतीने होत आहे. २३ मार्च १९८१ च्या टाइम्स्मध्ये प्रसिद्ध झालेल्या वृत्तानुसार, अमेरिकेत २४ मिनिटाला १ हत्या आणि १० सेकंदागणिक कुठेतरी डाका पडतो. प्रत्येक ७ मिनिटांत एखाद्या स्त्रीवर बलात्कार होतो. चार्लस् सिबरमन सारखा सुप्रसिद्ध ग्रंथकार म्हणतो, क्राइम इज अ‍ॅज् अमेरिकन अ‍ॅज् जेसी जेम्स. अपराध हे अमेरिकन जीवनाचे अंगच होऊन बसले आहे.

हिंदु म्हणून परिचय देतांना मला अभिमान वाटतो ! - स्वामी विवेकानंद

      पाश्‍चात्त्य सिद्धांतानुसार पाश्‍चात्त्य मनुष्य स्वतः संबंधी सांगतांना प्रथम आपल्या शरिरालाच प्राधान्य देतो, नंतर आत्म्याला. आपल्या सिद्धांतानुसार मनुष्य प्रथम आत्मा आहे आणि नंतर त्याला एक देहसुद्धा आहे. या दोन सिद्धांतांचे परीक्षण केल्यास तुम्हाला दिसून येईल की, भारतीय आणि पाश्‍चात्त्य विचारप्रणालीत फार मोठी तफावत आहे; म्हणून जितक्या संस्कृती भौतिक सुख आणि स्वच्छंदतेच्या कच्च्या रेताड पायावर उभारलेल्या होत्या, त्या सर्व अल्पकाळ अस्तित्वात राहून एक-एक करत जगातून लोप पावल्या; परंतु भारतीय संस्कृती आजदेखील अस्तित्वात आहे. कोणाचे अंधानुुकरण करू नका; कारण हे तर मनुष्याच्या अधःपतनाचे लक्षण आहे. जेव्हा त्याला आपल्या पूर्वजांचा आदर करण्यात लाज वाटते, तेव्हा समजावे की, त्याचा विनाश जवळ आला आहे. मी माझ्या धर्माला आणि पूर्वजांच्या गौरवाला माझा गौरव मानतो. हिंदु म्हणून परिचय देतांना मला एक प्रकारचा अभिमान वाटतो. तुम्ही त्या आर्य ऋषींचे वंशज आहात, ज्यांच्या महानतेची तुलना होऊ शकत नाही. धैर्य ठेवून प्रतीक्षा करत रहा, आपले भविष्य उज्ज्वल आहे.

जे लष्कराच्या एका निवृत्त अधिकार्‍याच्या लक्षात येते, ते शासनाच्या लक्षात का येत नाही ? या निवृत्त सैन्याधिकार्‍याच्या सल्ल्यानुसार शासनाने कृतीशील व्हावे, ही अपेक्षा !

    पाकिस्तानसमवेत बांगलादेशी घुसखोरही भविष्यात आपल्या देशासाठी मोठी डोकेदुखी ठरणार आहेत. गुलाम अली यांच्या गाण्याने किंवा क्रिकेट खेळून पाकिस्तानशी संबंध सुधारतील असे म्हणणे, ही आपल्याच लोकांची फसवणूक आहे. भारतातील सर्व आतंकवादी कारवायांचे मूळ पाकिस्तानात असून ते उखडल्याविना देशावरील आतंकवादी आक्रमणे अल्प होणार नाहीत.- श्री. हेमंत महाजन, निवृत्त ब्रिगेडीयर, पुणे.

भारतीय क्रिकेटचा भस्म्यारोग !

     खेळाऐवजी पैसा हेच भारतीय क्रिकेटचे मर्म आणि धर्म बनला आहे. राहुल द्रविडसारख्या ज्येष्ठ क्रिकेटपटूने एका तळमळीने याच मर्मावर बोट ठेवले आहे. कुणी निंदा कुणी वंदा, खराब खेळणे हाच आमचा धंदा, अशीच सध्या भारतीय क्रिकेट संघाची अवस्था झाली आहे. टीम इंडिया असे बिरुद मोठ्या अभिमानाने आपला संघ मिरवतो; मात्र गेल्या काही मासांतील (महिन्यांतील) या संघाची कामगिरी या बिरुदाच्या आसपासही जाणारी नाही. भारतीय क्रिकेट संघात सध्या टीमही दिसत नाही आणि इंडियासुद्धा ! दिसतो तो केवळ पैसा आणि पैसा !

ब्रिटीशपूर्व काळातील सर्वोच्च हिंदु शिक्षणपद्धत आणि ब्रिटिशांनी शिक्षणपद्धतीद्वारे भारताची केलेली दुर्दशा !

ब्राह्मणांनी दलितांना शिक्षणापासून वंचित ठेवले, असा गळा काढून 
आक्रंदन करणार्‍यांनो, हे लक्षात घ्या !
गुरुदेव डॉ. काटेस्वामीजी
१. ब्रिटीशपूर्व काळ 
     शालेय शिक्षणातील पदव्या इत्यादीची पद्धतच नव्हती. श्रेष्ठ असे पारंपरिक शिक्षण होते.
१ अ. शूद्र, अतीशूद्र अशा व्यक्तींनादेखील शिक्षणाची द्वारे खुली असणे : Memoirs of late Asia (J Murray London 1767) या विख्यात ग्रंथात कर्नल वेली हा एक उच्चपदस्थ ब्रिटीश शिक्षणाधिकारी हिंदूंच्या शिक्षणव्यवस्थेसंबंधी लिहितो, शूद्र, अतीशूद्र अशा निकृष्ट स्तरातील व्यक्तींनादेखील वाचन, लेखन, गणित, रामायण, महाभारत, पुराणादी प्रसंग शिकवले जात असत. तरुण विद्यार्थ्यांत हे पारंपरिक शिक्षण चार भिंतीच्या आड खोलीत न देता मोकळ्या जागेत वृक्षाखाली दिले जाते. प्रत्येक ग्रामात एक थोर आदरणीय व्यक्ती वृक्षाला टेकून सभोवती गोळा झालेल्या कितीतरी विद्यार्थ्यांना शिकवत असे. विद्यार्थी अत्यंत पूज्य बुद्धीने ती विद्या ग्रहण करत.

भाजपने पं. नथुराम गोडसे यांचे उदात्तीकरण न रोखल्याचा काँग्रेसकडून निषेध !

प्रतिदिन गांधींच्या विचारांची हत्या होत असतांना त्यासाठी 
काही न करणार्‍या काँग्रेसची वैचारिक दिवाळखोरी दाखवणारी कृती !
सांगली, २० नोव्हेंबर (वार्ता.) - न्यायालयाने गुन्हेगार म्हणून शिक्षा देऊनही पं. नथुराम गोडसे यांचे उदात्तीकरण न रोखणार्‍या भाजप शासनाच्या विरोधात शहर काँग्रेसच्या वतीने गांधी पुतळ्यासमोर १८ नोव्हेंबर या दिवशी निषेध आंदोलन करण्यात आले. यात काँग्रेसी कार्यकर्त्यांनी पं. नथुराम यांच्या पुतळ्यास चपलेने मारहाण केली. शहर जिल्हाध्यक्ष पृथ्वीराज पाटील यांच्या नेतृत्वाखाली हे आंदोलन करण्यात आले. (काँग्रेसची वैचारिक दिवाळखोरी ! गांधीवध झाल्यावर सहस्रो ब्राह्मणांच्या घरांची जाळपोळ करून त्यांना देशोधडीला लावणार्‍या, वर्ष १९८४ मध्ये उसळलेल्या शीख दंगलीत शिखांचे हत्याकांड घडवून आणणार्‍या आणि भ्रष्टाचारात आकंठ बुडालेल्या काँग्रेसला वास्तविक या संदर्भात बोलण्याचा काय अधिकार ? तसेच पं. नथुराम यांच्या पुतळ्यास चपलेने मारहाण करणे, हे वर्तन काँग्रेस खालच्या पातळीचे राजकारण करत असल्याचे निदर्शक आहे ! एरवी उठसूठ लहान-सहान प्रकरणांत हिंदुत्ववाद्यांवर कारवाई करणार्‍या पोलीस प्रशासनाने काँग्रेसी पदाधिकारी आणि अन्य कार्यकर्ते यांच्यावर कारवाई करणे अपेक्षित आहे. - संपादक)

पुरस्कार परत करून राजकारण करण्याऐवजी देशासमोरील समस्या सोडवण्यासाठी साहित्यिकांनी हातभार लावावा !

       सध्या रोज एकच बातमी ऐकू येते. ती म्हणजे काही साहित्यिक आणि कलाकार यांनी आपले पुरस्कार परत केले. हे ऐकून चीड येते आणि ती चीड माझ्या पत्रातून व्यक्त करत आहे. हे कलाकार आणि साहित्यिक मोदी शासनाला अडचणीत आणण्याचा प्रयत्न करत आहे. हे साहित्यिक आणि कलाकार केवळ राजकारण करण्यासाठी अशी आंदोलने करत आहेत, हे दिसून येते. भारत-पाक सीमेवर आपल्या सैनिकांची विनाकारण हत्या होते. पाकचे सैनिक आपल्या सीमेत घुसून भारतीय जवानांचे शीर कापून त्यांच्या सीमेत घेऊन जातात, तेव्हा का हे साहित्यिक पुरस्कार का परत करत नाही ? वर्ष १९९२ मध्ये बॉम्बस्फोट करून भारतियांचा बळी घेतलेला दाऊद इब्राहिम हा अजूनपर्यंत पाकिस्तानात लपून बसलेला आहे, त्याला पकडून आणण्याच्या मागणीसाठी या साहित्यिकांनी आपला पुरस्कार का परत केला नाही ? गोमाता ती हिंदु धर्माची माता असून तिची हत्या होत आहे. गोहत्या थांबवावी आणि हिंदुंच्या भावनांचा इतर धर्मियांनी आदर करावा, यासाठी कलाकार किंवा साहित्यिक दिलेला पुरस्कार का परत नाही ?

पाण्याचे मूल्य !

      काही दिवसांपूर्वी मराठवाड्यातील धाराशीव तालुक्यात जाण्याचा योग आला. तेथील एका उपाहारगृहात गेल्यावर पुढील संवाद ऐकायला मिळाला. उपाहारगृहात एक स्थानिक व्यक्ती तिच्या पाण्याच्या बाटलीमध्ये उपाहारगृहातील पिण्याचे पाणी भरत होती. उपाहारगृहाच्या मालक चिडून म्हणाला, भाऊ तुम्ही किती वेळा पाणी नेत आहात ? आतापर्यंत एकूण ७९ रुपयांचे पाणी नेले आहे माझ्या उपाहारगृहातून. पाणी फुकट नाही. एरव्ही आपल्या लेखी विशेष मूल्य नसलेले पाणी आता महाग झाले आहे, त्याचेच हे बोलके उदाहरण आहे. यंदाच्या भीषण दुष्काळामुळे सर्वसामान्यांच्या तोंडचे पाणीही पळाले आहे, तर शेतीसाठी कुठून येणार ? मराठवाडा, विदर्भात तर आणखी भीषण परिस्थिती. सोलापूर येथे काल-परवापर्यंत ५ दिवसाआड पाणी यायचे, ते आता ६ दिवसांनी पाणी सोडण्यात येणार आहे. तसेच शहरात नगरपालिका सोडत असलेल्या पाण्याला विशेष जोर नसल्याने नागरिकांना नळांना मोटार पंप बसवून पाणी ओढून घ्यावे लागत आहे.

लाडू अपहार प्रकरणाची चौकशी करण्यासाठी उपजिल्हाधिकारी लाटकर यांची नियुक्ती !

लाडू निविदा अपहार प्रकरण
धाराशिव (उस्मानाबाद), २० नोव्हेंबर (वार्ता.) - तुळजापूर येथील भवानी मंदिर संस्थानमध्ये प्रसादाच्या लाडू निविदेमध्ये झालेल्या अपहाराची चौकशी करण्यासाठी धाराशिवचे उपजिल्हाधिकारी श्री. अरविंद लाटकर यांची नियुक्ती करण्यात आली आहे.
     तुळजापूरच्या मंदिर संस्थानच्या वतीने भाविकांना प्रसाद म्हणून बुंदीचे लाडू देण्यात येतात. त्याचा ठेका गेल्या अनेक दिवसांपासून उडपी पावन उपाहारगृहाकडे वर्ष २००८ पासून देण्यात आला आहे; मात्र काही दिवसांपूर्वी काढण्यात आलेल्या ई-टेंडरमध्ये मात्र उडपी पावन उपाहारगृह आणि समाधान ढाबा यांनी बरोबरीचा दर दिल्याने मंदिर संस्थानमधील काही कर्मचार्‍यांनी दरामध्ये खाडाखोड करून समाधान ढाबावाल्यास लाडूचा ठेका देण्याचा प्रयत्न केला होता.

पेण येथे अवैध वाळूउपसा करणार्‍या वाळूमाफियांवर कारवाई करावी

रामनाथ (अलिबाग) - पेण तालुक्यातील दादर खाडीत सक्शन पंपाद्वारे अवैध वाळूउपसा करणार्‍या वाळूमाफियांवर कारवाई करावी, त्यांना सहकार्य करणारे हमरापूर मंडळातील अधिकार्‍यांचे स्थानांतर करावे, या मागणीसाठी श्रीकाळभैरव हातपाटी वाळू उत्खनन आणि विक्री सहकारी संस्थेच्या सदस्यांनी १८ नोव्हेंबर या दिवशी रायगड जिल्हाधिकारी कार्यालयासमोर आमरण उपोषण केले. उपोषणकर्त्यांच्या शिष्टमंडळाने जिल्हाधिकरी शीतल तेली उगले यांची भेट घेऊन त्यांच्याशी चर्चा केली आणि आपल्या मगण्यांचे निवेदन सादर केले. जिल्हाधिकार्‍यांच्या आश्‍वासनामुळे सदस्यांनी आपले उपोषण मागे घेतले.

धर्मांतराने राष्ट्रांतर होते, याचा हा घ्या पुरावा !

      ९.७.२०११ या दिवशी सुदान या मुसलमान राष्ट्राची फाळणी झाली. या देशातील गरीब मुसलमानांचे धर्मांतर करून ही राष्ट्रे अस्तित्वात आणली गेली. गेली २० वर्षे ख्रिस्ती धर्मगुरूंनी तेलसमृद्ध सुदानमधील दक्षिण प्रांतात धर्मांतर घडवून ९० टक्के ख्रिस्ती लोकांचा बहुसंख्य प्रांत बनवला. ९० टक्के ख्रिस्त्यांची वस्ती झाल्यावर तेथील चर्चने सुदानपासून वेगळ्या राष्ट्राच्या निर्मितीची मागणी केली. (साप्ताहिक राष्ट्रपर्व, वर्ष ३, अंक १२) 

पुरोगामी साहित्यिकांचे दक्षिणायन अभियान

तथाकथित असहिष्णुतेच्या विरोधात साहित्यिकांचा कंठशोष चालूच !
पुणे, २० नोव्हेंबर - देशात वाढत असलेल्या तथाकथित असहिष्णुतेच्या पार्श्‍वभूमीवर गुजरातसह महाराष्ट्र आणि कर्नाटक येथील साहित्यिक असहिष्णुतेच्या विरोधात पुणे, कोल्हापूर आणि धारवाड या भागांत दक्षिणायन यात्रा काढणार आहेत. भाषातज्ञ डॉ. गणेश देवी यांच्यासह ९ गुजराती साहित्यिक, महाराष्ट्रातील विद्या बाळ, राजन खान, अतुल पेठे आणि अन्य ६ साहित्यिक २५ ते २७ नोव्हेंबर या कालावधीत हा कार्यक्रम करणार आहेत. (राज्यात आतापर्यंत झालेल्या शेतकर्‍यांच्या आत्महत्या, आतंकवादी आक्रमणे, स्त्रियांवरील अत्याचार, दंगली या वेळी साहित्यिकांनी अशा यात्रा का काढल्या नाहीत ? - संपादक)

मुंबई आणि ठाणे येथे राष्ट्रीय हिंदू आंदोलन

आंदोलनातील मागण्या
  • सांताक्रूझ विमानतळाच्या A.T.C. टॉवरखाली अनधिकृत शेड बांधून अवैधरित्या नमाजपठण करणार्‍यांवर कारवाई करण्यात यावी !
  • आय्.एस्.आय्.एस्. या आतंकवादी संघटनेमध्ये सहभागी होऊ इच्छिणारे भिवंडीमधील २० बांगलादेशी मुसलमान आणि त्यांना साहाय्य करणारे यांच्यावर कठोर कारवाई करावी !
  • सर्व गोरक्षकांना स्वसंरक्षणार्थ शस्त्र बाळगण्यास अनुमती मिळावी !
  • बजरंग दलाचे कार्यकर्ते श्री. प्रशांत पुजारी यांची हत्या करणार्‍यांवर त्वरित कारवाई करावी !
२१ नोव्हेंबर २०१५
अंधेरी (मुंबई)
स्थळ : मिरजकर स्मारक चौक, पोलीस ठाण्याजवळ, अंधेरी (पूर्व)
वेळ : सायंकाळी ५
    हिंदुस्थानच्या दारिद्य्रास आणि सर्व प्रकारच्या अनावस्थेस कारण हिंदू लोक आहेत; परंतु जर कधी त्यांना वैभवाचे दिवस हवे असतील, तर त्यांनी हिंदुच राहिले पाहिजे ! - स्वातंत्र्यवीर सावरकर 

हिंदू तेजा जाग रे !

Jago ! : Malime (Africa) allah hu akbarke naronke sath atankionka hotelpar akraman : 13 logonki mrutyu ! - Ab koi is atankvadka rang kaunsa hai vah batayega ?
जागो ! : माली (आफ्रिका) में अल्ला हु अकबर के नारों के साथ आतंकीआें का हॉटेल पर आक्रमण : १३ लोगों की मृत्यू ! - अब कोई इस आतंकवाद का रंग कौनसा है वह बताएगा ?

फलक प्रसिद्धीकरता

अशी मागणी का करावी लागते ? प्रशासन स्वतःहून का कारवाई करत नाही ?
मुंबई येथील सांताक्रूझ विमानतळ परिसरात एक अनधिकृत शेड बांधण्यात आली असून तेथे प्रतिदिन होणार्‍या नमाजपठणाला बाहेरूनही लोक येत आहेत. या अनधिकृत प्रार्थनास्थळावर कारवाई करण्याची मागणी हिंदुत्ववादी संघटनांनी केली आहे.

सर्वार्थाने आदर्श जीवन जगलेल्या आणि वसुधैव कुटुम्बकम् हे सूत्र आचरणात आणणार्‍या केसरी (सिंधुदुर्ग) येथील ६५ टक्के आध्यात्मिक पातळीच्या श्रीमती सुधा रामचंद्र बर्वेआजी (वय ८२ वर्षे)!

 
श्रीमती सुधा रामचंद्र बर्वेआजी
    हे श्रीकृष्णा, आमची आजी श्रीमती सुधा रामचंद्र बर्वे यांच्याविषयी जाणवलेली गुणवैशिष्ट्ये तूच आमच्याकडून लिहून घे, यातून तूच आम्हाला घडव, अशी तुझ्या चरणी प्रार्थना करून आरंभ करते.

१. खडतर परिस्थितीतील बालपण
१ अ. बालवयात आईच्या मृत्यूनंतर भावाने सांभाळणे
 आणि घरातील सर्व कामे करावी लागणे
     आजींच्या वयाच्या ७ व्या वर्षीच त्यांची आई देवाघरी गेली. त्या दिवसापासून आजी त्यांचे बंधू आणि वहिनी यांच्यासमवेत राहू लागल्या.

देवयान मार्ग आणि पितृयान मार्ग

परात्पर गुरु डॉ. आठवले
     हे मृत्यूनंतरच्या प्रवासाचे दोन मार्ग आहेत.
१. देवयान मार्ग : भक्तीमार्गाने साधना करणारे या मार्गाने पुढे जातात.
२. पितृयान मार्ग : सज्जन, लोकांसाठी चांगली कर्मे करणारे या मार्गाने पुढे जातात.
- (परात्पर गुरु) डॉ. आठवले (१८.११.२०१५)

देवाची आवड असणारी सातारा येथील ५१ टक्के आध्यात्मिक पातळीची आणि उच्च स्वर्गलोकातून पृथ्वीवर जन्माला आलेली चि. भार्गवी सूर्यकांत देशमुख (वय १ वर्ष ३ मास) !

१. सौ. अस्मिता देशमुख, सातारा
(चि. भार्गवीची आई)
१ अ. गर्भधारणा झाल्यावर
१. गर्भारपणात मी देवाकडे येणार्‍या बाळामुळे माझी साधना होऊ दे, अशी सतत प्रार्थना करायची.
२. स्त्रोत्रपठण करतांना हे माहीत आहे, असे दर्शवण्यासाठी बाळाची पोटात हालचाल होणे : प्रतिदिन रामरक्षा, मारुतिस्तोत्र आणि अथर्वशीर्ष म्हणतांना, तसेच नामजप अन् सेवा करतांना पोटात बाळाची पुष्कळ हालचाल जाणवायची आणि बाळाला हे सर्व माहीत आहे आणि हे तो हालचाल करून दर्शवत आहेे, असे वाटायचे.

साधकांच्या माध्यमातून शिकवल्याविषयी आणि प्रेमाचा वर्षाव केल्याविषयी कृतज्ञता व्यक्त करणारे मुरबाड, ठाणे येथील श्री. संदीप धुमाळ !

 
श्री. संदीप धुमाळ
     हे श्रीकृष्णा, तुझ्या कृपाशीर्वादामुळेच मला ५ दिवस (१.६.२०१५ ते ५.६.२०१५) देवद आश्रमात सेवेची संधी मिळाली. मायेतून वेगळे होऊन ब्रह्माच्या सान्निध्यात रहाण्याची संधी उपलब्ध करून दिल्याबद्दल मी तुझ्या चरणी कृतज्ञ आहे.

      मायेत असतांना जी कामे मी करू शकत नव्हतो, ती सर्व सेवा म्हणून तू विनाकष्ट माझ्याकडून करवून घेऊन प्रत्येक कृती मला शिकवलीस, याविषयी मी तुझ्या चरणी कृतज्ञता व्यक्त करतो.

स्वतः आनंदी राहून इतरांना आनंद देणार्‍या आणि सेवेची तीव्र तळमळ असलेल्या अमरावती येथील ६१ टक्के पातळीच्या श्रीमती ज्योती खाडे (वय ६८ वर्षे) !

श्रीमती ज्योती खाडे
१. निरागसता
     खाडेकाकूंच्या बोलण्यात निरागसता, प्रांजळपणा आणि प्रामाणिकपणा आहे. त्या प्रामाणिकपणे व्यष्टी आणि समष्टी आढावा देतात.
२. आनंदी आणि उत्साही
     काकू सतत आनंदी आणि उत्साही असतात. त्या कधीही थकलेल्या दिसत नाहीत. काकू स्वतः आनंदी रहातात आणि समोरच्याला आनंदी करतात. त्या आनंद देतात आणि आनंद पसरवतात.
३. इतरांचे कौतुक करणे
     सहसाधकांचा व्यष्टी आढावा घेतांना आणि देतांना काकू त्यांच्या चांगल्या प्रयत्नांचे लगेच कौतुक करतात. काकूंमध्ये पुष्कळ प्रेमभाव आहे.

दुर्धर आजारपणामुळे यजमानांची मृत्यूकडे वाटचाल होत असतांना साधनेच्या बळावर स्थिर रहाणार्‍या आणि प्रत्येक कठीण प्रसंगातून देवच तारून नेत असल्याची अनुभूती घेणार्‍या श्रीमती संध्या प्रकाश काटदरे !

    
श्रीमती संध्या काटदरे
रायगड जिल्ह्यातील साधिका श्रीमती संध्या प्रकाश काटदरे सनातन संस्थेच्या मार्गदर्शनानुसार साधना करतात. १.११.२०१४ या दिवशी त्यांच्या यजमानांना, प्रकाश काटदरे यांना (वय ६३ वर्षे) कावीळ झाल्याचे निदान झाले. एका डॉक्टरांच्या हलगर्जीपणामुळे काविळीवर योग्य वेळी उपचार झाले नाहीत आणि जानेवारी २०१५ मध्ये कर्करोग झाल्याचेे निदान होऊन १२.२.२०१५ या दिवशी त्यांचे निधन झाले. त्या वेळी एका डॉक्टरांचे आणि रुग्णालयातील व्यवस्थापनाचे आलेले कटू अनुभव, तसेच अशा कठीण प्रसंगातही देवाने कसे साहाय्य केले, हे त्यांच्याच शब्दांत पाहूया !

परात्पर गुरु डॉ. आठवले यांचे तेजस्वी विचार

परात्पर गुरु डॉ. आठवले
'इस्लाममध्ये बुद्धीप्रामाण्यवादी आणि धर्मद्रोही नसल्याने मुसलमान आता जगाला भारी झाले आहेत, तर बुद्धीप्रामाण्यवादी आणि धर्मद्रोही यांच्यामुळे हिंदूंची स्थिती अत्यंत केविलवाणी झाली आहे !' - (परात्पर गुरु) डॉ. आठवले (३०.१०.२०१५)    

प.पू. श्रीकृष्ण कर्वेगुरुजी
॥ ॐ श्री विश्‍वदर्शनदेवतायै नम: ॥
॥ ॐ श्री जय जय रघुवीर समर्थ ॥
या मंत्रजपांमुळे सर्व देवी-देवतांचा आशीर्वाद प्राप्त होतो.
- प.पू. श्रीकृष्ण कर्वेगुरुजी, पुणे

॥ हरि ॐ तत्सत् ॥

संत भक्तराज
सनातनचे श्रद्धास्थान
खरा शिष्य
रंगाच्या जशा अनेक छटा असतात, 
तशाच शिष्यत्वाच्याही अनेक पायर्‍या असतात.
१. मला कोणी शिव्या दिल्या, मारले, माझी कुणी हत्या (खून) केली, तरी त्याच्यावर तुम्ही दया केलीत, तर मी समजेन की, माझ्या गुरूने तुम्हाला सिद्ध (तयार) केले.
भावार्थ : शिव्या देणे, मारणे, हत्या करणे इत्यादी सर्व प्रकृतीतील आहे. हे समजून ते करणार्‍याविषयी राग न येणे, एवढेच नव्हे, तर करुणाकर भगवंताप्रमाणे त्याच्यावर दया करणे, हे शिष्याच्या खर्‍या प्रगतीचे लक्षण होय.
(संदर्भ : सनातनचे प्रकाशन संत भक्तराज महाराज यांची शिकवण.)

बोधचित्र


योगतज्ञ दादाजी वैशंपायन यांचे मौलिक विचार !

खरी संपत्ती !
योगतज्ञ दादाजी वैशंपायन
     वेळ म्हणजे खरी संपत्ती ! ती एकदा गेली की, परत येत नाही; म्हणूनच प्रत्येक क्षणाचा उपयोग करा. कधीही वेळ वाया घालवू नका ! 
ॐ आनन्दं हिमालयं विष्णुं गरुडध्वजम् ॐ ।
ॐ शिवं दत्तं गायत्री सरस्वती महालक्ष्मी प्रणमाम्यहम् ॐ ॥
(योगतज्ञ दादाजी वैशंपायन यांनी हिमालयात सिद्ध केलेला मंत्र)

...परत एकदा इतिहासाच्या विकृतीकरणाचा डाव !

गेल्या अनेक वर्षांपासून चित्रपटांद्वारे इतिहासाचे विकृतीकरण करण्याचा डाव रचला जात आहे. काही वर्षांपूर्वी आलेल्या जोधा-अकबर या चित्रपटाद्वारे क्रूरकर्मा अकबराचे उदात्तीकरण करण्यात आले. संजय लीला भन्साळीच्या राम-लीला मध्येही रामायणासारखी पात्रे वापरून त्यांचे अवमूल्यन करण्यात आले होते आणि अश्‍लील प्रसंगही घुसडण्यात आले होते. न घडलेला इतिहास व्यक्तीस्वातंत्र्याच्या नावाखाली चित्रपट निर्मात्याने गल्ला मिळवण्यासाठी हवा तो दाखवणे म्हणजे जाज्वल्य इतिहासाशी प्रतारणाच होय ! संजय लीला भन्साळी यांचा बाजीराव-मस्तानी या चित्रपटांतही केवळ २० वर्षांत ४१ वेळा अजिंक्य राहिलेल्या बाजीराव पेशवा यांचे स्वरूप एक प्रेमी असे रंगवण्यात आले आहे. ज्या बाजीरावांनी देहलीवर विजय प्राप्त केला, निजामाला पळता भुई थोडी केली, त्या पराक्रमी बाजीरावांना केवळ मस्तानीपुरते सीमित ठेवून त्यांचा पराक्रम दृष्टीआड केला जात आहे. या चित्रपटांतील केवळ एक गाणेच जर एवढे आक्षेपार्ह असेल, तर पूर्ण चित्रपटांत किती आक्षेपार्ह गोष्टी असतील, याचा विचारही करता येत नाही. अन्य धर्मियांच्या भावनांची दखल परिनिरीक्षण मंडळ लगेच घेते, तशी हिंदूंच्या भावनांची दखल कधी घेणार ? ती घेत नसतील, तर हिंदूंना त्यांचा संघटितपणाचा आविष्कार दाखवून ती दखल घेण्यास भाग पाडले पाहिजे, इतकेच !

प्रशासन नावाचा पांढरा हत्ती !

संपादकीय
   सातव्या वेतन आयोगाने १९ नोव्हेंबर या दिवशी केंद्रशासनाकडे 
त्यांच्या शिफारशी सोपवल्या. या शिफारशी लागू झाल्यानंतर केंद्रशासनाच्या कर्मचार्‍यांचे मूळ वेतन हे १८ सहस्र रुपये होईल. यात वेतनात प्रतिवर्षी ३ प्रतिशत वाढीची शिफारस आहे, तर किमान सेवानिवृत्ती वेतनात २४ प्रतिशत वाढीचा प्रस्ताव आहे. या शिफारशी लागू केल्यावर शासकीय तिजोरीवर १.०२ लक्ष कोटी रुपयांचा अतिरिक्त बोजा पडणार आहे. या शिफारशींचा लाभ ४७ लक्ष कर्मचारी आणि ५२ लक्ष निवृत्तीधारक यांना होणार आहे. शासकीय कर्मचारी हे खरोखरच किती काम करतात, यावर दृष्टीक्षेप टाकला, तर तो एक संशोधनाचा विषय होईल. ज्या प्रमाणात या कर्मचार्‍यांचे वेतन वाढते, त्या प्रमाणात त्यांची कार्यक्षमता वाढते का ? त्यांचा कामाचा दर्जा वाढतो का ? देशाच्या तिजोरीत भर टाकण्यासाठी त्यांनी काय प्रयत्न केले, याचे मूल्यमापन मात्र कधीच होत नाही ! हे होण्याची मात्र या निमित्ताने नितांत आवश्यकता निर्माण झाली आहे.
धर्माभिमानी हिंदूंनो, अध्यात्मातील प्रत्येक 'का' अन् 'कसे' यांची शास्त्रशुध्द उत्तरे www.sanatan.org वर वाचा आणि 'अध्यात्म' अनुभवा !
धर्माभिमानी हिंदूंनो, धर्माची सद्यस्थिती जाणून घेण्यासाठी इंग्रजी आणि हिंदी संकेतस्थळाला भेट द्या ! English : http://hindujagruti.org हिंदी : http://hindujagruti.org/hn