Blogger Widgets


जयतु जयतु हिन्दुराष्ट्रम् ।

जयललिता यांची प्रकृती चिंताजनक !

तमिळनाडूत तणावपूर्ण स्थिती
         चेन्नई - तमिळनाडूच्या मुख्यमंत्री जयललिता यांचे निधन झाल्याची अफवा ५ डिसेंबरला सायंकाळी पसरली होती; मात्र अपोलो रुग्णालयाने त्या जिवंत असून त्यांच्यावर उपचार चालू असल्याचे सांगत ही अफवा खोटी ठरवली. ४ डिसेंबरला रात्री हृदयविकाराचा दुसरा झटका आल्यानंतर जयललिता यांना पुन्हा अतीदक्षता विभागात हालवण्यात आले. त्यांना कृत्रिम श्‍वासोच्छ्वासावर ठेवण्यात आले आहे. त्यांची प्रकृती अत्यंत गंभीर असल्याचे सांगण्यात आले आहे. त्यामुळे येथील अपोलो रुग्णालयाबाहेर त्यांच्या समर्थकांनी मोठ्या संख्येने गर्दी केली आहे. राज्यातील कायदा आणि सुव्यवस्था राखण्यासाठी अतीदक्षतेची चेतावणी देण्यात आली आहे. (लोकशाहीला निरर्थक ठरवणारी व्यक्तीनिष्ठता ! यामुळे निर्माण होऊ शकणारा कायदा आणि सुव्यवस्थेचा प्रश्‍न जनतेची मानसिकता दर्शवतो ! - संपादक) केंद्र सरकारकडूनही साहाय्य मागण्यात आले आहे. ४ डिसेंबरला रात्री उशिरा तमिळनाडू मंत्रीमंडळाची आपत्कालीन बैठकही पार पडली. ६८ वर्षीय जयललिता यांना २२ सप्टेंबर या दिवशी ताप आल्यामुळे चेन्नईतील अपोलो रुग्णालयात भरती करण्यात आले होते; मात्र त्यानंतर जयललिता यांना मूत्रपिंड, यकृत आणि फुफ्फुस यांत संसर्ग झाल्याचे निष्पन्न झाले होते. त्यामुळे गेल्या २ मासांपासून त्यांच्यावर या रुग्णालयात उपचार चालू होते. त्यांच्या प्रकृतीत सुधारणा झाली असून लवकरच त्यांना सोडण्यात येईल, अशी माहिती रुग्णालयाने दिली होती; मात्र त्यातच त्यांना हृदयविकाराचा झटका आला.
धर्माभिमानी हिंदूंनो, अध्यात्मातील प्रत्येक 'का' अन् 'कसे' यांची शास्त्रशुध्द उत्तरे www.sanatan.org वर वाचा आणि 'अध्यात्म' अनुभवा !
धर्माभिमानी हिंदूंनो, धर्माची सद्यस्थिती जाणून घेण्यासाठी इंग्रजी आणि हिंदी संकेतस्थळाला भेट द्या ! English : http://hindujagruti.org हिंदी : http://hindujagruti.org/hn