Blogger Widgets


जयतु जयतु हिन्दुराष्ट्रम् ।

(म्हणे) मुसलमानांना आरक्षण मिळण्यासाठी संघर्ष करू ! - अबू आझमी, आमदार, समाजवादी पक्ष

किती हिंदु लोकप्रतिनिधी हिंदूंसाठी अशा प्रकारे तळमळीने बोलतात ? 
      नागपूर, ८ डिसेंबर (वार्ता.) - आज समाजात आणि सरकारमध्ये मराठा आरक्षणाची चर्चा केली जात असून मुसलमानांना आरक्षण मिळण्याविषयी कोणीही चर्चा करत नाही. मुसलमानांना शिक्षणामध्ये दिलेले ५ टक्के आरक्षण राज्य सरकारने रहित केले आहे. ते आरक्षण सर्वोच्च न्यायालय आणि कायदा विभाग यांनी मान्य केलेले असतांनाही ते सरकारने नाकारले आहे. सरकारने मराठ्यांना आरक्षण देण्यासमवेत मुसलमानांना हक्काचे आरक्षण दिले पाहिजे. त्यासाठी मुसलमान गांधीजींनी सांगितलेल्या मार्गाने आंदोलन करतील, तसेच वेळप्रसंगी आरक्षण मिळण्यासाठी संघर्ष करतील, असे वक्तव्य समाजवादी पक्षाचे आमदार अबू आझमी यांनी केले. (आतापर्यंत सत्तेत आलेल्या बहुतांश शासनकर्त्यांनी मुसलमानांवर सुविधांची खैरात केली. असे असतांनाही मुसलमानांचे राज्यकर्ते आरक्षणाची मागणी करतात, हे संतापजनक ! - संपादक) विधानसभेच्या पायरीवर आझमी हे महाराष्ट्रात मुसलमानांना आरक्षण मिळावे, यासाठी ८ डिसेंबर या दिवशी आंदोलन करत होते.
     महाराष्ट्रात उच्च न्यायालयाने दिलेले मुसलमानांचे आरक्षण पुन्हा मिळावे, यासाठी एम्आयएम्चे आमदार इम्तियाज जलील आणि वारीस पठाण यांनीही ८ डिसेंबर या दिवशी विधानसभेच्या पायरीवर वेगळे आंदोलन केले.
धर्माभिमानी हिंदूंनो, अध्यात्मातील प्रत्येक 'का' अन् 'कसे' यांची शास्त्रशुध्द उत्तरे www.sanatan.org वर वाचा आणि 'अध्यात्म' अनुभवा !
धर्माभिमानी हिंदूंनो, धर्माची सद्यस्थिती जाणून घेण्यासाठी इंग्रजी आणि हिंदी संकेतस्थळाला भेट द्या ! English : http://hindujagruti.org हिंदी : http://hindujagruti.org/hn