Blogger Widgets


जयतु जयतु हिन्दुराष्ट्रम् ।

मुंबई महापालिका मुख्यालयातील ‘नेट’ सुविधेचा अपवापर करणार्‍या पालिका कर्मचार्‍यांवर कारवाई करणार !

तंत्रज्ञानाचा यथायोग्य वापर करण्यासाठीही नीतीमान 
 प्रजेची आवश्यकता असते. अशी प्रजा केवळ हिंदु राष्ट्रात असेल ! 
पालिका प्रशासनाकडून सामाजिक प्रसारमाध्यामांच्या संकेतस्थळांच्या वापरावर निर्बंध ! 
     मुंबई, १५ डिसेंबर - मुंबई महापालिकेचा कारभार सुरळीत पार पाडावा यासाठी पालिका मुख्यालयात करण्यात आलेल्या ‘नेट’ आणि ‘वाय-फाय’ जोडणीचा पालिका कर्मचार्‍यांकडून मोठ्या प्रमाणात अपवापर करण्यात येत असल्याची माहिती समोर आली आहे. या सुविधांचा वापर पालिका कर्मचारी कामाच्या वेळेत फेसबुक, व्हॉट्स अप, ट्विटर यांसारखी सामाजिक प्रसारमाध्यमांची संकेतस्थळे पाहण्यासाठी, संकेतस्थळांवरून गाणी, चित्रपट संचित करण्यासाठी करत असल्याचे निदर्शनास आले आहेेे. कामाच्या वेळेत भ्रमणभाषवरून सामाजिक प्रसारमाध्यमांची संकेतस्थळे पहाणार्‍या कर्मचार्‍यांवरही यापुढे कारवाई करण्यात येणार आहे. (जनतेच्या समस्या निकाली काढण्यासाठी मोठ्या प्रमाणात प्रलंबित असतांना कामाच्या वेळेचा आतापर्यंत अशा प्रकारे अपवापर केलेल्या कर्मचार्‍यांवरही कारवाई व्हायला हवी. - संपादक) या सर्वांचा अतिरिक्त भार पालिकेच्या ‘सर्व्हर’वर येत असल्याने त्याची काम करण्याची गती अत्यंत मंदावून कामकाज ठप्प पडण्याची वेळ आली. या सर्वांवर उपाय म्हणून ९ डिसेंबरपासून पालिका मुख्यालयातील संगणकांवर सामाजिक प्रसारमाध्यमे तसेच चित्रपट, गाणी संचित करण्याची सुविधा असणार्‍या सर्व संकेतस्थळांच्या वापरावर बंदी आणली आहे. ‘वाय-फाय’ जोडणीचे संकेतांकही पालटण्यात आले आहेत.
धर्माभिमानी हिंदूंनो, अध्यात्मातील प्रत्येक 'का' अन् 'कसे' यांची शास्त्रशुध्द उत्तरे www.sanatan.org वर वाचा आणि 'अध्यात्म' अनुभवा !
धर्माभिमानी हिंदूंनो, धर्माची सद्यस्थिती जाणून घेण्यासाठी इंग्रजी आणि हिंदी संकेतस्थळाला भेट द्या ! English : http://hindujagruti.org हिंदी : http://hindujagruti.org/hn