Blogger Widgets


जयतु जयतु हिन्दुराष्ट्रम् ।

कर्तव्यचुकार मुख्याध्यापक आणि साहाय्यक आयुक्त निलंबित !

      नवी मुंबई, ५ डिसेंबर (वार्ता.) - कर्तव्यात कसूर केल्याप्रकरणी अडवली भुतवली शाळेचे मुख्याध्यापक प्रकाश तुंबडे आणि साहाय्यक आयुक्त दिवाकर समेळ यांना नवी मुंबईचे आयुक्त तुकाराम मुंढे यांनी निलंबित केले आहे. (विद्यार्थ्यांची शैक्षणिक हानी करणार्‍यांचे केवळ निलंबन नको, तर अशांना बडतर्फच करायला हवे ! संपादक) २ डिसेंबर या दिवशी मुंढे यांनी शाळेला अचानक भेट दिली. त्या वेळी इयत्ता १ लीच्या वर्गातील विद्यार्थ्यांना इयत्ता ३ रीची विद्यार्थिनी शिकवत असल्याचे निदर्शनास आले. या वेळी मुख्याध्यापक त्यांच्या कक्षात केवळ बसून होते. याविषयी मुंढे यांनी शिक्षणाधिकार्‍यांना चौकशीचे आदेश दिल्यावर वरील कारवाई करण्यात आली. या व्यतिरिक्त घणसोली विभाग कार्यालयाचे साहाय्यक आयुक्त दिवाकर समेळ यांना अनधिकृत बांधकामे, अनधिकृत फेरीवाले यांच्यावर नियंत्रण न ठेवणे, आदेशांचे पालन न करणे, कर्तव्यात कसूर करणे आदी कारणांमुळे निलंबित करण्यात आले आहे. आतापर्यंत मुंढे यांनी कारवाई केलेले कर्मचारी आणि अधिकारी यांची संख्या १८ इतकी झाली आहे.
धर्माभिमानी हिंदूंनो, अध्यात्मातील प्रत्येक 'का' अन् 'कसे' यांची शास्त्रशुध्द उत्तरे www.sanatan.org वर वाचा आणि 'अध्यात्म' अनुभवा !
धर्माभिमानी हिंदूंनो, धर्माची सद्यस्थिती जाणून घेण्यासाठी इंग्रजी आणि हिंदी संकेतस्थळाला भेट द्या ! English : http://hindujagruti.org हिंदी : http://hindujagruti.org/hn