Blogger Widgets


जयतु जयतु हिन्दुराष्ट्रम् ।

अंबाजोगाई येथे दत्तजयंतीनिमित्त झालेल्या कीर्तनात गुढीपाडव्याला नववर्ष साजरे करण्याविषयी ह.भ.प. अच्युत महाराज जोशी यांच्याकडून प्रबोधन

     अंबाजोगाई (जिल्हा बीड) - दत्तजयंतीनिमित्त येथील हौसिंग सोसायटी दत्तमंदिरामध्ये १३ डिसेंबरला ह.भ.प. अच्युत महाराज जोशी यांच्या काल्याच्या कीर्तनात त्यांनी १ जानेवारीऐवजी गुढीपाडव्याला नववर्ष साजरे करायला हवे, असे मार्गदर्शन केले. ‘गुढीपाडव्याला नैसर्गिक, ऐतिहासिक आणि आध्यात्मिक वारसा आहे’, असेही ते म्हणाले. या वेळी त्यांनी भगवंत अवतार का घेतो, धर्मसंस्थापना म्हणजे याविषयी मार्गदर्शन केले, तसेच ‘भगवंताच्या व्यापक स्वरूपालाच नारायण म्हणतात. हाच नारायण कधी श्रीकृष्णाच्या रूपात, कधी दत्तरूपात दर्शन देतो. हे नारायण म्हणजे दुसरे तिसरे कोणी नसून यालाच ‘अनंत’ म्हणतात’, असेही
त्यांनी सांगितले. कीर्तनाच्या माध्यमातून त्यांनी दत्तचरित्र आणि श्रीकृष्णचरित्र यांच्या श्रेष्ठत्वाची महतीही वर्णिली.
     गुढीपाडव्याविषयी सांगतांना त्यांनी पाश्‍चात्त्य संस्कृतीचा आपल्यावर असलेला पगडा आणि ३१ डिसेंबरच्या मध्यरात्री नवीन वर्ष साजरे करून संस्कृतीचा होणारा र्‍हासही विशद केला. ६०० भक्तांनी त्यांच्या मार्गदर्शनाचा लाभ घेतला.

धर्माभिमानी हिंदूंनो, अध्यात्मातील प्रत्येक 'का' अन् 'कसे' यांची शास्त्रशुध्द उत्तरे www.sanatan.org वर वाचा आणि 'अध्यात्म' अनुभवा !
धर्माभिमानी हिंदूंनो, धर्माची सद्यस्थिती जाणून घेण्यासाठी इंग्रजी आणि हिंदी संकेतस्थळाला भेट द्या ! English : http://hindujagruti.org हिंदी : http://hindujagruti.org/hn