Blogger Widgets


जयतु जयतु हिन्दुराष्ट्रम् ।

मुंबई महापालिकेत कचरा वाहतुकीत ९०० कोटी रुपयांचा घोटाळा

मनसेचे संदीप देशपांडे यांचा आरोप
     मुंबई, ९ डिसेंबर (वार्ता.) - मुंबई महापालिकेत कचरा वाहतुकीत ९०० कोटी रुपयांचा घोटाळा झाल्याचा आरोप मनसेचे संदीप देशपांडे यांनी केला आहे. मनसेच्या नगरसेविका सुजाता पाठक यांनी माहितीच्या अधिकाराखाली मिळवलेल्या माहितीतून हे निष्पन्न झाल्याचे त्यांनी म्हटले आहे. या वेळी त्यांनी घोटाळ्यांची कागदपत्रे सादर केली. 
    महापालिका आयुक्तांकडे या संदर्भात तक्रार करूनही कारवाई करण्यास चालढकलपणा होत असल्याने स्थायी समितीच्या अध्यक्षांनी याची सखोल चौकशी करून त्याचा अहवाल सादर करावा, असे सूत्र देशपांडे यांंनी स्थायी समितीच्या बैठकीत उपस्थित केले. ते पुढे म्हणाले की,
१. घाटकोपर, भांडुप आणि बोरिवली या वॉर्डमधून देवनार ‘डम्पिंग ग्राऊण्ड’मध्ये कचरा नेतांना कंत्राटदाराने हा घोटाळा केला आहे. एकच वाहन एकाच वेळेला दोन ठिकाणी गेल्याचे कंत्राटदाराने नमूद केले आहे.
२. नाल्यांच्या स्वच्छतेच्या कामात घोटाळा करणार्‍या आस्थापनालाच हे काम देण्यात आले आहे. त्या कामात ज्या पद्धतीने घोटाळा करण्यात आला, त्याच पद्धतीने यातही घोटाळा करण्यात आला आहे. (महानगरपालिकेने यापूर्वीही रस्त्यांच्या कामाचे कंत्राट घोटाळेबाज कंत्राटदारांना दिले होते. ही पालिकेतील अधिकार्‍यांची भ्रष्टाचार संपवण्याची उदासिनता आहे कि कंत्राटदारांसह घोटाळ्यात सहभाग आहे ? - संपादक)
धर्माभिमानी हिंदूंनो, अध्यात्मातील प्रत्येक 'का' अन् 'कसे' यांची शास्त्रशुध्द उत्तरे www.sanatan.org वर वाचा आणि 'अध्यात्म' अनुभवा !
धर्माभिमानी हिंदूंनो, धर्माची सद्यस्थिती जाणून घेण्यासाठी इंग्रजी आणि हिंदी संकेतस्थळाला भेट द्या ! English : http://hindujagruti.org हिंदी : http://hindujagruti.org/hn