Blogger Widgets


जयतु जयतु हिन्दुराष्ट्रम् ।

मुंबईतील सिग्नल्सवरील सीसीटीव्ही कॅमेर्‍यांमुळे वाहतुकीचे नियम मोडणार्‍यांवर कारवाई करणे सुलभ

       मुंबई, ५ डिसेंबर - वाहतूक नियमनाकरिता मुंबईतील सिग्नल्सवर आतापर्यंत ४ सहस्र ७१७ सीसीटीव्ही छायाचित्रक बसवण्यात आले आहेत. यांद्वारे वाहतुकीचे नियम मोडणार्‍या वाहनचालकांवर दंडात्मक कारवाई करणे वाहतूक पोलिसांना सुलभ होत आहे. लाल सिग्नल असतांना वाहन पुढे नेणे, झेब्रा पट्टे ओलांडून वाहन पुढे थांबवणे, दुचाकी चालवतांना शिरस्त्राणाचा वापर न करणे, वाहनाच्या क्षमतेपेक्षा अधिक माणसे वाहनात बसवणे, वाहन चालवतांना भ्रमणध्वनीवर बोलणे, तसेच चारचाकी वाहन चालवतांना आसनपट्टा न लावणे यांसारखे नियमबाह्य वर्तन करणार्‍या वाहनचालकांच्या वाहनांचे क्रमांक त्या नियंत्रण कक्षात असणार्‍या वाहतूक पोलिसाकडून सीसीटीव्हीमध्ये मुद्रित केले जातात आणि त्याच वेळी वाहनचालकाच्या भ्रमणभाषवर दंडात्मक कारवाईचा लघुसंदेश पाठवला जातो. नियम मोडणार्‍या वाहनचालकाकडून ई-चलनाद्वारे दंड आकारला जातो. ऑक्टोबर आणि नोव्हेंबर मासांत १ लक्ष १० सहस्रांहून अधिक वाहनांवर अशाप्रकारे कारवाई करण्यात आली आहे.
धर्माभिमानी हिंदूंनो, अध्यात्मातील प्रत्येक 'का' अन् 'कसे' यांची शास्त्रशुध्द उत्तरे www.sanatan.org वर वाचा आणि 'अध्यात्म' अनुभवा !
धर्माभिमानी हिंदूंनो, धर्माची सद्यस्थिती जाणून घेण्यासाठी इंग्रजी आणि हिंदी संकेतस्थळाला भेट द्या ! English : http://hindujagruti.org हिंदी : http://hindujagruti.org/hn