मुंबई, २ फेब्रुवारी - सध्याच्या अशिक्षित राजकारण्यांना हाकलून शिक्षित तरुणांना पुढे आणण्याची आवश्यकता आहे, असे प्रतिपादन चित्रपट अभिनेता जॉन अब्राहम यांनी येथे केले. शिक्षा अभियानाच्या संदर्भातील एका कार्यक्रमात ते बोलत होते.
जॉन अब्राहम पुढे म्हणाले की, अनेक राजकारणी म्हातारे झाले असतांनाही ते जनतेसमोर येतात. त्यांना पाहून आम्ही आता थकलो आहोत. तरीही ते निवृत्त होत नाहीत. आता तरुणांना पुढे येण्याची आवश्यकता आहे. ते आजच्या काळाला अधिक चांगले निर्णय घेऊ शकतात. अशा तरुणांचा त्यांच्या आईवडिलांना अभिमान वाटेल. 