मुंबई, २३ जानेवारी - गेल्या वर्षी १३ जुलै या दिवशी मुंबईत ऑपेरा हाऊस, दादर आणि झवेरी बाजार या ठिकाणी झालेल्या साखळी बाँबस्फोटांच्या प्रकरणी आतंकवादविरोधी पथकाने फरारी जिहादी आतंकवादी यासीन भटकळ याचे सहकारी असल्याच्या संशयावरून मोहंमद नकी, महंमद नदीम आणि अन्य एक, अशा तीन आतंकवाद्यांना अटक केली आहे.
राकेश मारिया यांनी अधिक माहिती देतांना सांगितले की, नकी याने भ्रमणध्वनीचे सिम कार्ड पुरवले होते. नकीनेच नदीम याला दीड लाख रुपये पुरवले होते. नदीमला यासिन भटकळने दिल्लीला बोलावून नकीला देण्यासाठी एक पाकीट नदीमला दिले होते. त्यात स्फोटके आणि डिटोनेटर्स होती. दिल्ली आणि बिहार येथे कारवाई केल्यानंतर बिहारमध्ये या प्रकरणातील गूढ उकलले.
