पनवेल, २३ जानेवारी - माथेरानसारख्या ‘इको सेंसेटीव्ह झोन'मध्ये वाहनांना बंदी असतांना तेथे गाडी नेल्याच्या प्रकरणी उद्योगपती मुकेश अंबानी यांच्या पत्नी सौ. नीता अंबानी यांच्या वाहनचालकास पोलिसांनी अटक केली.
अंबानी यांनी माथेरानमध्ये ‘रग्बी’ हॉटेल विकत घेतले आहे. या हॉटेलमधील कार्यक्रमासाठी सौ. नीता अंबानी आणि मुकेश अंबानींच्या आई कोकिलाबेन या काल दुपारी ‘हेलिकॉप्टर’ने नेरळला आल्या. तेथील दस्तुरी येथून ‘होंडासिटी’ गाडीने त्या माथेरानला गेल्या. त्यामुळे पोलिसांनी गाडीचा चालक सुधीर शिंदे याला अटक केली, तसेच गाडी कह्यात घेतली. 